由「六師弟」林子聰執導的《得閒飲茶》玩串新世代男女關係，採用輕鬆的角度諷刺時下年輕男女的戀愛態度。 香港型仔方力申搭上青春無敵兼有幾分姿色的蒲妹Viann，一眾實力派演員林家棟、小龍、林雪、元秋力撐演出，包你唔止得啖笑。

得閒蒲．得閒咀．得閒拍拖 唔得閒好好戀愛《得閒飲茶》

由劉德華創辦的電影公司映藝娛樂有限公司推動的電影計劃「亞洲新星導」，在嚴格甄選下選出數位亞洲新晉導演，合共炮製6部意念創新的華語高清電影。 對於培育新人不遺餘力的劉德華，更投資高達300萬美金於此項計劃，可見他充滿信心。 由於此項計劃得到以香港為基地的劉德華和星空傳媒集團的全力支持，故特別選出香港導演林子聰作品《得閒飲茶》擔當頭砲，揭示新世紀香港男歡女愛的新現象。

新世代愛情故事

方力申力追蒲妹梁慧嘉Viann，全職做廿四孝觀音兵。可惜Viann恃住自己有得揀，當佢公仔咁玩，可以蒲，可以咀，偏偏唔可以好好戀愛？ 方力申老死林家棟、小龍，老豆林雪、阿媽元秋，一於齊齊力撐，陪佢踢波、吹水、飲酒，做埋戀愛顧問，究竟幫唔幫到佢同Viann好心好報？

2006年3月23日 不見即散